溫哥華一日之旅-《客滿庭》

嘻嘻﹐返到屋企先發現係《客滿庭》嗰時唔記得咗影環境嘅相添~
可能係岩岩去食完《Guu》﹐飽上腦諗唔到嘢﹖
又可能係覺得都係同普通中菜館冇咩唔同﹐所以冇影到﹖
點都好喇﹐講下食咗咩先~﹗

唔知點解﹐我嗰日好想食小籠飽﹐去食上海菜都係為食小籠飽﹐所以就叫咗籠嚟食。好彩一籠得五個﹐兩個人食夠晒
~﹗呢到嘅小籠飽
都唔錯﹐幾好味。


本來諗住叫埋甜品就算﹐因為係《Guu》食到好飽﹔但淨食小籠飽同甜品嘅話係十蚊加幣都唔夠﹐覺得唔係幾好意
﹐所以都係叫多樣
嘢食啦。麥包就想食《四川牛腩/牛筋麵》。我食咗少少﹐覺得都OK﹐但麥包就話so so 喎。


最後就係我想食嘅《荔枝凍糕》 – 整得好靚﹐見到有荔枝肉﹐中間
紅色嘅係杞子﹐食到有好香嘅荔枝味﹐好味﹑好味~﹗


同場加映﹕我哋中午喺Food Court食嘅《燒鴨瀨》﹐今次好多燒鴨喔~﹗好美味﹐但
就肥咗少少。


【同分類上一篇】:溫哥華一日之旅-《北の家Guu》
【同分類下一篇】:08年聖誕溫哥華飲茶-《釣魚台》
No Comments

Post A Comment