13 7 月 新開泰國菜
返工方面終於過咗最忙嘅階段喇
﹐雖然仲有唔少嘢做﹐但起碼星期六﹑日都可以唔洗返工﹐有得抖返下﹐嘻嘻。尋日就同咗麥包去shopping﹐又大出血
﹐今日麥包要返99到有少少嘢幫手﹐咁我就喺屋企睇下電視同上網喇
。
先講下上兩個禮拜五去屋企附近試新開嘅泰國菜啦。入面嘅裝修都好有泰國feel﹐留底好高﹐加上大量嘅落地玻璃﹐陽光充足﹐都坐得幾舒服㗎。
個menu入面有好多﹑好多唔同類型嘅泰國菜﹐應該算係多選擇㗎喇﹐我哋係研究咗個menu好耐之後就order咗以下嘅三樣﹕
【冬蔭公湯】- 嚟到我哋嘅第一個反應就係﹕「好細碗呀~﹗」﹐係細到以為係side order咁﹐價錢仲唔平添﹐不過算啦﹐飲落都幾好味嘅。
【炭燒牛柳+槳飯】- 呢碟個炭燒牛柳就唔係燒得好香﹐但個槳飯就好得意﹐係放喺個竹筒入面﹐至於個醬汁就唔係好記得咩味喇。
【羅勒海鮮炒飯】- D海鮮好新鮮﹐都幾大件(睇上面第一張相)﹐好好味。
No Comments