雜錦散壽司飯


過咗busy season後有兩日補假﹐加埋星期六﹑日﹐就有四日假放囉﹐呵呵呵~﹗既然係放假休息﹐我真係咩都冇做﹐淨係喺屋企煲碟﹐上網買咗少少嘢(收到先講過)﹐同埋去咗做massage。咁得閒﹐就諗住整返餐好少少嘅俾麥包(同我自己)食啦。煲碟嘅時候睇到個日本綜藝料理節目入面個散壽司飯(ちらし寿司)好好味﹐咁就整散壽司啦。當然啦﹐我整嘅就僅係冇電視上嘅咁多材料﹐特別係魚生﹐冇買咁多。不過對麥包嚟講﹐有三文魚(鮭魚)就夠㗎啦

上次去日本嘅時候買咗個兩層嘅漆盒﹐哈哈﹐岩晒用嚟裝散壽司飯。今次淨係用咗鮭魚﹑鰻魚﹑魚子(とぴこ)﹑蝦肉﹑蟹肉﹑蛋等等去整﹐呢個(下圖)就係兩層盒嘅上層啦。


至於下層就整咗飯團﹐加埋少少同下層差唔多嘅材料去做陪襯。





食過都唔差嘅﹐麥包話同係日本食嘅差唔多(但麥包平時對食都冇咩要求﹐唔知佢嘅comment信唔信得過﹖)

【同分類上一篇】:初嘗桜餅
【同分類下一篇】:住家新菜式
Tags:
No Comments

Post A Comment