馬來沙爹屋-encore | McTeaの世界

12 4 月馬來沙爹屋-encore

Posted at 05:13h in 外食篇 by mctea 2 Comments

0 Likes

嘩~呢排返工忙到癲

﹐而家到咗busy season嘅尾聲﹐終於有假放啦﹐咁等我黎寫返堆積咗幾個禮拜嘅blog啦。

係生日之後嘅一個禮拜﹐麥包屋企人同咗我去”馬來沙爹屋”補祝生日。”馬來沙爹屋”就緊係食馬來西亞嘢啦﹐我同麥包以前喳車返工嘅時候有時都會去個到食lunch﹐但轉咗工之後冇喳車﹐就好耐冇去食過囉。

左手面呢杯係芒果smoothies﹐真係用芒果肉去整嘅﹐好香芒果味㗎。

『印度麵包』- 唔知個名點解叫印度麵包

﹖好似將麵粉開水﹐變成麵漿後煎香﹐再舔埋咖哩汁食﹐好好味㗎﹐我哋次次去都會order嘅。

『沙爹串燒』- 話明係沙爹屋﹐咁佢哋嘅沙爹就緊係招牌菜啦。呢到嘅串燒係我食過最好味嘅﹐個特製既汁真係整得好正㗎。

『煎蠔餅』- 個蠔餅同潮州個隻係唔同嘅﹐冇咁chewy﹐比較多蛋少粉﹐我諗我鍾意食潮州個隻多D。

『海南雞』- 海南雞好味喔~﹗張相影到隻雞白白咁﹐好似冇咩味﹐但真係唔可以睇樣﹐雞肉唔”鞋”﹐個醬汁又好美味。

『三巴鮮魷』- 唔知咩係”三巴”(sambal)醬汁﹐但就同魷魚好岩味﹐好岩送飯。

『福建炒麵』- 麥包屋企人個個都好鍾意﹐我都覺得味道唔錯﹐但可能我唔係咁鍾意食粗麵啦﹐所以只係覺得OK。