McTeaの世界 | [京都] 第七日Part II – 袛園, 花見小路通り
15711
post-template-default,single,single-post,postid-15711,single-format-standard,ajax_fade,page_not_loaded,,paspartu_enabled,paspartu_on_top_fixed,paspartu_on_bottom_fixed,side_menu_slide_with_content,width_370,qode-child-theme-ver-1.0.0,qode-theme-ver-16.4,qode-theme-bridge,disabled_footer_bottom,wpb-js-composer js-comp-ver-5.4.7,vc_responsive

[京都] 第七日Part II – 袛園, 花見小路通り

坐新幹線三個鐘頭左右就到京都,我地先去京都站既Westin Satellite Concierge稔住check-in,但係佢話如果我地都係會而家去酒店既話,就不去到酒店先check-in喔。但三十秒後佢又俾張表我地填,話填左去到check-in會快D甘話。填完表就上酒店既接駁巴士去酒店啦。一程接駁巴士大約十五至二十分鐘,我覺得都唔近架。

酒店check-in的確好快,但唔知點解佢又會重覆問返係Satellite Concierge個到問過既問題?係我仲未問佢有冇complementary upgrade既時侯,佢就已經同我講:『你地訂既係superior room,但因為你係會員,我地已經upgrade左你去deluxe room啦。』好野~,問都唔洗問。

入到房,麥包話都唔係真係好大喔~(唉,佢就真係期望過高啦,唔通佢稔緊係Milan住個間甘大?哈哈,價錢都唔同啦~)我就覺得唔錯,起碼佢個花灑既灑水唔會太勁,雖然唔係rain shower(唔知點解呢間Westin冇佢地既Heavenly Bath既?),但都沖得幾舒服架。

睇埋大堂啦,裝修得真係幾靚架,好高既樓底、大理石地板嚫木色家施,加埋個兩、三層樓高既流水水池,好靚。




———————————————————————————-

1864722306.jpg
好咯,係時侯去《袛園》附近行下同埋食野,又係坐酒店既接駁巴士就到架啦。一落車,我地(其實係我自己,麥包某程度上覺得藝伎係幾恐怖既)就俾一條同《藝妓回憶錄 The Memoir of Geisha》入面既置屋(藝伎屋)有90%相似既街/橫巷吸引左入去啦。表面睇起上黎好似有好多藝伎住係入面甘;但睇多幾間就會發覺其實有好多都改建成高級既料理亭架啦。但究竟真係仲有冇藝伎係到住我就唔知啦。




1864722306.jpg

除左高級料理亭之外,呢到都有唔少居酒屋,提供各種唔同既小食,好似有串燒、炸物、鐵板、魚生等等。我地就係呢到揀左其中一間居酒屋入去試下。入面好有懷舊feel,好似日劇裡面既男人放工之後去飲番兩杯既地方。



(左)先黎既有巨峰提子味既有氣礦泉水加日本清酒調既雞尾酒(唔記得個名)。酒味唔會太穠,反而好有提子味,岩唔係甘鍾意酒味既我。
(右)てんぷら – 魷魚兩串,牛肉、蝦同埋香菇各一串。如果冇記錯既話,舔既唔係我地食開好似水既天婦羅汁,而係比較厚身既醬汁,我覺得比平時食到既好味D。




(左)キムチチャーハン(韓國kimchi炒飯)– 我地本來係覺得佢個名好特別先叫黎試下既,冇抱太大期望,但出乎意料之外地好味喔~
(右)ちらし – 魚生既切法係塊塊圓碌碌甘,好似每塊都俾豉油醃過甘,唔通呢個就係”關西風”既食法?

開餐囉~



食完之後我地就行左去《花見小路通り》,見到有唔少人著住和服或者”執到好正”甘由料理亭出黎,隨即就上的士走人;但藝伎就一個都冇見到。我覺得我地食野個條路有feel好多。

(左)我地食飯個條路;(右)花見小路通り

去完《花見小路通り》後稔住搭地鐵返酒店既,但係唔知點解凈係見到”京阪線”(去大阪既),見唔到我地想搭個個地鐵站,行下行下,再睇下地圖,我同麥包個時唔知點解會甘癲甘話:『不如行路返酒店咯~』我地就係甘,稔住幫助消化做運動,就行返去酒店啦。結果行左半個鐘返到酒店,沿途都幾寧靜,但都不時見到人同車,所以又唔會驚,都好relax架~嘻嘻~




《待續~》

【同分類下一篇】:[京都] 第八日Part I - 伏見稲荷大社
No Comments

Post A Comment