12 11 月 [東京] 第四日Part III – 新宿迷路
未黎新宿之前，我都覺得日本既路唔係好難搵，聽人講話東京既地鐵有幾甘複雜，幾甘混亂，但我都覺得OK呀，佢地既指示牌都好清楚易明，想去邊都唔難。但黎到新宿之後，就令我完完全全地改觀~！係新宿，如果凈係想搭地鐵，又或者係轉車既話，真係一D到唔難；但一想出去路面又想搵岩出口就難囉！係就係有好多指示，但跟指示有時都會指左你去掘頭路，之後又指返你返去你行黎個到
？！我就係甘係地鐵既出口到行黎行去，稔返都覺得搞笑。真係慶幸我冇訂係新宿既酒店，唔係既話，第一晚黎到都唔知點算。
之後我放棄啦，就等麥包搵啦，哈哈~！我地最後決定出左路面先，見到咩就睇咩啦。後來好神奇地麥包竟然識路，我凈係需要話佢知我想去東口、南口或者西口，佢就識得帶我去，所以好好彩，想去既地方都有去到。
新宿都係shopping既地方，好似（小田急百貨、京王百貨、さくらや、無印良品、高島屋、東急ハンズ，etc）甘，我地都係行下睇下甘，冇咩特別所以就唔詳細寫啦。行到好累，就返酒店休息下先再出去食飯。
我地個晚稔住就係酒店附近（目黑）搵鰻魚飯既，甘落到去問個concierge先知目黑附近冇鰻魚飯食，佢就介紹我地去麻布十番有間食鰻魚飯好出名既地方，但係個到八點就收舖，個時到已經七點幾啦，如果我地去既話可能會好趕，所以都係算啦，甘我地就轉plan，去department stores既地下街到買野返酒店，舒舒服服甘係房食啦。
呵呵~我地去到既時侯可能係就黎收舖，所以差唔多間間舖都減價，行左個圈，呢盒散壽司就最吸引我地啦，超大盒，好好味，嘻嘻~
我地仲買左巨峰提子同埋macaron做甜品忝，好甜，好味喔~！
《待續~》
No Comments