[東京] 第四日Part I – 明治神宮,竹下通り

《10月11日》









1613186221.jpg
好耐冇試過o訓到自然醒啦,今朝o訓夠後,就出發去《明治神宮》啦。

係網上搵到既資料:明治神宮建成於大正9年11月1日。明治天皇與昭憲皇太后逝世後,國民為紀念他們的功德,建立了明治神宮。神宮建立前,這一帶被稱為南豐島御料地(皇室領地),據說除了今天的御苑外到處是一片荒涼。從大正4年開始動工,前後發動十萬餘青年團的義務勞動,終於在大正9年完工。據當時的新聞報導,11月1日為慶祝完工,市民張燈結綵,燃放煙火。第一天前來參拜者達五十萬人。人們在這裡祈禱”家庭平安”,”學業成就”等等。三天的新年參拜期間約有400萬人,終年有約8000萬人前來參拜。普通人也可以在這裡舉辦婚禮,每年超過1300對的新人在此喜結良緣。這裡還有能容納2000人的大禮堂”明治神宮會館”,以及”寶物殿”,舉行柔道、劍道、合氣道的”武道館”,還有”明治神宮文化館”、”明治神宮神樂殿”、”隔雲亭”茶座。”神宮球場”、”神宮遊泳池”,和冰場、繪畫館等統稱神宮外苑,那裡的工作人員也是明治神宮的編製。”明治紀念館”是神宮直營的婚禮會場。

1613186222.jpg

我地未入去《明治神宮》之前,先去左搵早餐。因為我好鍾意食飯團,所以就去原宿站附近既便利店買飯團食當早餐啦。張相左上角個個有青森干貝(ほたて)就係我覺得最好味既;其他既都係鮭魚,不過唔同牌子,麥包話下面個兩個好味D,反而係貴D個個有D太鹹。

1613186223.jpg

食完我地既”早餐”,就開始行入《明治神宮》啦。其實《明治神宮》四周既外苑好大、好似花園甘,所以要行大約十分鐘先至會去到參拜既大殿。路既兩邊種左好多好大既樹,一路行既時侯,你會覺得心景好平靜、好舒服架,真係唔覺自己係係好繁忙既東京。係路上,會經過號稱全日本最大既”鳥居”,仲會見到好多清酒桶砌成display,但唔知入面有冇酒既呢?嘻嘻~


終於行到參拜既大殿前啦。

參拜之前,我地需要去洗手同口先。


參拜之後,可以買塊”絵馬”寫低願望,然後就掛係呢棵大樹下。睇相就知有好多人都甘做啦,大部分人都係祈求”合家平安”、”考試合格”、”戀愛成就”等等。牌上都有好多唔同既語言,但大部分都係日文、中文同韓文為主。有塊好搞笑,係寫住:『1.希望有個又靚又正既女朋友;2.希望發達』,哈哈,佢都幾直接喔,我稔呢個都係唔少人既願望。



繼續睇相啦:


入口既”鳥居” | 參拜既大殿 | 洗手同口既地方

三個內堂唔同既景


1613186236.jpg
跟住我地就去買”お守り”俾屋企人同朋友啦。左邊個個係”結緣符”,就好似個名甘,係祈1613186235.jpg求”結緣”既;粉紅色既係女仔既,而綠色個個就係男仔既。我有個朋友係我結婚個時就送左對俾我地做結婚禮物既,而我今次就買左呢對符俾我個朋友做結婚禮物。哈哈,但係我稔又會有幾多男仔會用囉(起瑪麥包唔會~!)?不過冇所謂啦,擺係屋企都幾得意呀。

右邊個個係祈求平安既健康符,我買黎俾我爸爸、媽咪既,最後係俾左我媽咪(因為我另外係《金閣寺》又買左個,個個我爸爸話佢覺得岩佢D喔)。

——————————————————————-

1613186237.jpg

1613186239.jpg
去完《明治神宮》後,我地就稔住去《竹下通り》shopping,聽講話個到既野好平好抵買。講真句,D野真係幾平既,但係,哈哈,可能太”特別”啦,唔好話返工唔岩,就算平時都太誇,唔係甘岩我同麥包囉,最後,我地咩都冇買到。

但係一路都見都唔少賣crepes既地方,我地買左個有士多啤利同紅豆既,好好味,D whipped cream好滑,又唔會太甜;嘻嘻,但唔知幾肥呢?

《待續~》

【同分類上一篇】:[東京] 第三日Part III – 大江戶溫泉物語
【同分類下一篇】:[東京] 第四日Part II – 表参道、南青山 - ピエール・エルメ・パリ(Pierre Hermé)
No Comments

Post A Comment