[東京] 第三日Part II – 台場各地

1927318125.jpg

食完野飽飽之後,我地就由<築地市場>站坐地鐵去<汐留>買《ゆりかもめ》既一日乘車卷去台場啦。因為台場都係由呢條《ゆりかもめ》線既地鐵連接,而我地又會去台場既唔同地方,加埋我係個怪人,時時shopping都會返轉頭買野,所以覺得都係800円買張一日票比較岩我地多D。《ゆりかもめ》算係條比較新既路線,可以睇到佢裡面既裝橫都明顯地比其他路線靚。

1927318100.jpg

到台場啦,成個台場比人既感覺都係好新,好靚,如果住係東京既話,台場會係個唔錯既選擇(但係就遠少少囉)。 同彩虹橋影返張相先啦,個日天氣唔係好好,好多雲,所以影得唔係甘清楚


————————————————————————




1927318102.jpg我地既第一站就係Tokyo Deck入面既《台場一丁目商店街》。入面裝飾成江戶時代既街頭景象甘,睇下張相,係咪好似日本古裝劇既場景甘呢?而D舖頭賣既野都係好有懷舊特式既小食、玩具、禮物等等。係商店街既正中間有間比人入去玩既鬼屋,我地係門口經過都聽都入面既尖叫聲,加埋個商店街既燈光又好陰暗,都有少少毛骨悚然架。我同麥包以前好鍾意去呢D鬼屋,每逢萬聖節都有,但而家年紀大啦,哈哈,唔襟嚇,冇去囉,哈哈~!

1927318103.jpg

另外,係Tokyo Deck入面仲有個《台場小香港》,個場景真係整都好似六、七十年代既香港甘架,但入面多數都係食市,而我地又唔會係日本食香港野既,就係到影左幾張相就走啦。之後仲去左AQUA CITY同附近既幾個shopping mall,同平時去開既冇咩唔同,就唔多講啦。

行下行下,見到有雪糕賣,嘻嘻,我地就買左個巨峰提子味黎試下,好味。





————————————————————————


1927318105.jpg

繼續下一站 –《富士電視台》,佢外型最特別之處就係係建築物頂既球型展望台,聽講話係上面就會見到全台場既景色,但我地黎係稔住睇下電視台入面多過台場既景色既。係電視台入面,好彩既話,會睇到錄影既情況,但可能我地去既時間唔岩,睇唔到。以下係同佈景板影既相,嘻嘻~

有我好鍾意既小丸子 | 人氣節目SMAP X SMAP

唔知係邊個呢?但幾得意 | 呢個阿伯好搞笑

仲有近排既人氣電影 – HERO

————————————————————————



1927318113.jpg

之後就去麥包好鍾意既車展 – 《Mega Web》,呢間係豐田既,入面都算幾大,有車睇之餘,仲有得試車,而試既仲唔只係佢地新出既車,仲連concept car到有得試。唉,但係試普通車就要有國際車牌,我地冇去囉到;而試concept car就要識日文,識得聽指示,我自問日文唔係話太好,都係唔好試啦。所以兩樣都冇試到,有少少可惜。甘睇相啦~


新車,我覺得佢既燈好靚呀~ | concept car 1 | concept car 2 – 有得試個架

Formula 1 | 哈哈,麥包係咪好搞笑呢? | 唔記得係咩類型既賽車啦,哈哈


仲有game玩,睇下麥包既開心?但睇下個video就知佢係新手啦,呵呵呵~



————————————————————————


1927318122.jpg

玩完一輪,過對面就係《Palette Town》,入到去好似去左歐洲甘,而舖頭賣既就係比較生活化既野,我入左去間成日都係日本時裝雜誌到見到既舖頭睇,裡面既衫真係好靚呀,但係就真係貴到買唔落手囉

好啦,都行到差唔多啦,去浸溫泉咯!

《待續~》

【同分類上一篇】:[東京] 第三日Part I – 寿司大
【同分類下一篇】:[東京] 第三日Part III – 大江戶溫泉物語
Tags:
No Comments

Post A Comment