18 8 月 來去夏威夷 – 小栗&東尼的冒險紀行
等左成年幾，呢本”來去夏威夷 – 小栗&東尼的冒險紀行”（日文原著：さおり＆トニーの冒険紀行 ハワイで大の字）終於出中文版啦。有睇開我個blog既人都可能記得我以前都已經提過呢本漫畫幾次架啦。以前聽介紹既專攔話佢具有旅遊書既功能，睇完之後覺得如果真係稔住用佢黎做旅遊書帶去夏威夷既話就慘囉。係，佢係有介紹好多唔同既地方，仲有印埋地址忝；但係無話你知點去，幾錢等等。睇完就覺得好似係知道夏威夷有呢樣野，但係真係有興趣既話，都係需要上網搵又或者買本真正既旅遊書黎睇資料。
但係如果當本書係漫畫黎睇就唔錯既，佢對夏威夷風土人情都描寫得幾深入架，睇漫畫甘睇就唔會覺得悶，又學到野。加上全彩色印刷，正~！嘻嘻，有D想再去夏威夷忝。
有介紹好多唔同既食物同餐廳。———————>
亦有講佢地嘗試唔同新事物既趣事。
No Comments