10 8 月 日本攻略遊 – 東京

之前都買左本日本既旅遊書架啦（詳情：旅遊指南-東京一本就GO！），點解又會買多本既呢？咪就係因為成本書入面都有好可愛既插圖囉~（上圖）！呢本”日本攻略遊 – 東京”（原著書名：まっぷる だびまる東京）同之前個本好唔同；呢本既地圖比較詳細，每道地方無論係吃喝玩樂，都有好多、好多資料，大D既地方仲會有sub-section去分類忝，如果要去晒全部佢講既地方，我稔要幾個月都唔知得唔得？直情詳盡到有information overloaded既感覺。哈哈，其實我睇左咩都唔係好記得架啦，但我覺得帶埋去旅行做reference就幾好既，誠意推薦~

本旅遊書既內頁有好多相之餘，仲有介紹shopping既地方，有咩特別既野賣，至於食方面，由價值不非到超抵食既地方都有講。

P.S. 其實呢個”日本攻略遊”既系咧除左有東京之外，仲有介紹唔少其它日本既地方，好似北海道、札幌、小樽、富良野、函館、京都、大阪、箱根、九州、伊豆、沖繩、信州等等。