死亡筆記本



“死亡筆記本”呢本漫畫大家都唔會覺得陌生架啦~!我以前仲係香港住既時侯,成日都會去租漫畫黎睇,但黎左美國之後就好少睇啦,因為我”孤寒”,唔捨得買幾十本睇完一次就算;又冇得租喔,所以都係有時朋友話借我睇,我先睇咋。但對於D好hit既漫畫,聽人講得多而我又有興趣既,都會去搵黎睇既。我鍾意睇咩類型既漫畫?嘻嘻,其實我都好濫架,除左血腥暴力或色情變態,無論係喜劇搞笑系、純愛少女系、懸疑偵輯系、或恐怖漫畫(無血腥既,只係氣氛恐怖)我都鍾意架。

而呢本”死亡筆記本”就係屬於懸疑既類型啦。我本身唔係好鍾意睇連載中既漫畫,因為覺得睇到精彩既時侯就要等下一本,特別係呢本前個排仲係係日本連載緊,等一本單行本分分鐘需要幾個月到一年時間不等。但因為太多人話好啦,而佢係分兩部分既,甘我個朋友話借我睇,我就係早個排睇左上半部啦。真係好好睇架~!而家仲係網上睇緊下半部,嘻嘻~

我覺得有時”正”或”邪”只係一線之差;我唔會去評論邊個係”正”,邊個係”邪”。但我就真係好佩服個作者精心安排既鬥智鬥力,唔會好似睇”金田一”甘,未睇完已知凶手係邊個(雖然係甘,但我到好鐘意”金田一”架)。

內容:
在Death Note寫上名字的人類都會死亡。死神流克在人類世界丟下這一本屬於死神的筆記「Death Note」,碰巧被高中生夜神月拾到。月以正義為名,使用「Death Note」把世界各地的罪犯逐一裁決,希望建立一個沒有罪惡的理想世界。為捉拿兇手,警方派出曾經偵破不少重大案件的天才「L」去調查這宗案件。月和L從此展開了一場又一場互鬥智力的對決。

附加感想請看:死亡筆記本 – 續

【同分類上一篇】:旅遊指南-東京一本就GO!
【同分類下一篇】:東京手繪旅記
5 Comments
  • Joanne
    Posted at 05:40h, 28 2 月 回覆

    我睇咗電影版啦,好好睇呀!

  • fifi
    Posted at 03:55h, 01 3 月 回覆

    原來是漫畫迷…..電影版看過没有呢?

  • mctea
    Posted at 06:02h, 01 3 月 回覆

    Hi Joanne, fifi,<br />
    <br />
    你地都睇左電影版哪?哈哈,甘唔好話我知個結局呀~!<br />
    <br />
    我都知有電影版呀,都稔住遲D睇,等我睇完套漫畫先啦,<br />
    嘻嘻,因為我覺得漫畫比較完整,我驚電影版會cut左好多。<br />
    <br />
    係呢?聽講話電影版有上、下兩部架喔,係唔係呀?你地有係咪兩部都睇晒啦?

  • Joanne
    Posted at 01:19h, 02 3 月 回覆

    係呀,上下集我都睇咗啦!

  • mctea
    Posted at 05:19h, 02 3 月 回覆

    甘邊集好睇D呀?

Post A Reply to fifi Cancel Reply