迴轉壽司大減價之下

今日同麥包稔住去食好耐冇食過既迴轉壽司,點知去到先發現係緊舖頭既大減價(唔知點解大減價呢?周年記念?),所有壽司一律一蚊美金一碟。哈哈,都唔知係好彩定唔好彩?好彩既係有平壽司食,唔好彩既係成緊舖頭都因為大減價而變得”人山人海”,個waiter話要等成個鍾頭先有位俾我地喔~!

嘩?!等成個鍾?甘我地稔住叫外賣算啦。唉~我地又點會係第一個稔到甘做既人呀,所以連外賣都大排長龍,但就冇堂食甘誇張。算啦,橫點甘平,又甘岩俾我地撞到,等下外賣都OK既。甘我同麥包就點左D壽司,等外賣到。嘻嘻,之後先知原來外賣既唔係機器整既壽司,係真係有個人整既手握壽司(握り寿司),手法仲好快忝。但點快我地都等左四十分鐘先有得食。囉左外賣去買埋杯綠茶冰沙開餐囉~!

壽司有:
三文魚
帶子
海膽
碎帶子
八爪魚
軟殼蟹卷
炸章魚

【同分類上一篇】:綠茶專門店?
【同分類下一篇】:泰國菜之Pen Thai
No Comments

Post A Comment