07 8 月 Oregon 既短短小旅行
因為麥包工作既關係，需要出trip去Portland,Oregon。我又跟埋去，岩岩好可以放低婚禮既事，去冇sales tax既Oregon買野鬆弛下。
講真，Portland真係冇咩玩架，但好處係係到買野冇sales tax，到可以話係唔錯既”購物天堂”。我地去兩日一夜，第一日一早出發，中午到達。去酒店check-in完食野後，就開始我地既買野行動。我地既計劃係今日睇麥包買既野，因為佢聽日要返工，甘我就用佢返工既時間睇我想買既野。今日收穫唔算好豐富，買到我地主人房既毛巾同埋一幅畫。買完就去食野同返酒店”攤透”。
第二日，麥包返左工，我o訓到十點幾先起身，check-out之後有繼續我既shopping之旅。因為我之前買既晚裝唔係甘岩身，甘我就去左各間有晚裝賣既鋪頭試衫。最後係BCBG搵到件唔錯既，mission accomplished~! 之後去LV睇袋，試左幾個到唔係好知自己想買邊個，算啦，都係去法國先買。行下行下，好tiring呀~都係去Border買杯野飲，睇下書，relax下。
其實我唔係個成日去書店睇書既人，我鍾意係屋企張床到睇多D，哈哈~。但出奇地我今次好enjoy喔，好似好peaceful甘。可能婚事真係令我太stress out啦，難得有幾個鐘可以”攤下攤下”，真係好掂架。我睇左三本分別講米蘭、威尼斯同羅馬旅遊指引，之後睇左少少Da Vinci Code（達文西密碼）同The Devil Wears Prada。Da Vinci Code我稔我鍾意睇中文版多D；The Devil Wears Prada就好搞笑，如果唔係麥包放工黎接我，我稔我會睇落去。
甘我地去食飯啦~係間好有情調既日本餐廳 – 有獨立既日式房間。
No Comments